Autre tauxacion briefve pour voyages ja faiz

Charles etc., aux generaulx etc. Nous voulons et vous mandons que par N., receveur general desdictes finances, vous faites bailler et delivrer a P. la somme de M, laquelle nous lui avons ordonnee et tauxee, ordonnons et tauxons par ces presentes pour deux voyages par lui faiz puis IIII mois ença ou environ par nostre commandement et ordonnance, c'est assavoir l'un en tel païs et l'autre en tel, pour certainnes noz besoingnes et affaires dont nous l'avions chargié. Et par rapportant ces presentes avecques quittance suffisante sur ce dudit G., icelle somme de M sera allouee es comptes etc. Non obstans quelzconques gaiges ou autres bienffaiz que ledit N. ait ou preigne de nous et ordonnances, mandemens ou defenses a ce contraires. Donné etc.