Acquict d'argent ja paié

Charles etc., aux commissaires etc. Nous voulons et vous mandons que la somme de tant, laquelle nous avons eue et receu comptant en nostre main a pluseurs et diverses foiz pour faire nostre plaisir et voulenté de G. Charrier1, receveur general desdictes finances, en la somme de tant d'or, qui valent au feur de tant solz pour piece, ladicte somme de tant etc. vous faites, souffrez et consentez estre allouee es comptes dudit receveur et rabatue de sa recepte par noz amez et feaulx gens de noz comptes, ausquelz nous mandons que ainsi le facent, par rapportant ces presentes seulement. Non obstant qu'il n'appere aucunement de la distribucion d'icelle somme, ordonnances, mandemens ou defenses a ce contraires. Donné etc.