Legitimacion d'un bastart1

Karolus, Dei gracia Francorum rex. Nostre benignitatis clemenciam ad illos libenter extendimus et statum eorum liberali promovemus affectu qui virtutum aducti suffragiis digne sibi vendicant premia meritorum. Notum itaque facimus universis tam presentibus quam futuris quod, cum N., filius M. et P. uxoris, ex illegitima copula, de soluto genitus videlicet et soluta, traxisse dicatur originem, nos, attendentes quod ipse ad imitanda proborum vestigia sic ferventer intendere studuit et sic de bono in melius semper ad virtutum opera est intentus quod in ipso geniture maculam nititur abstergere, prout didicimus multorum fide digna relacione, ac propterea ejus supplicacione annuentes, de gracia speciali ac plenitudine regie potestaris dictum N. [fol. 176] de copula predicta genitum ad honores seculares actusque legitimos quoslibet quoad temporalia tenore presencium legitimacionis titulo decoramus et hujusmodi geniture maculam quoad premissa penitus abolemus ; concedentes eidem ac cum eo tenore presencium dispensantes ut ipse tamquam legitimus succedere valeat et succedat personis quibuscumque, si de ipsarum personarum processerit voluntate, in omnibus bonis mobilibus et immobilibus in quibus succederit de consuetudine, de jure aut alias quovis modo si effet de legitimo matromonio procreatus, in quibus tamen jus non est alteri vel aliis jam quesitum, et ea tamquam legitimus valeat jure successorio aut alias quovis modo vendicare, adipisci, retinere et jure hereditario pacifice possidere et obtinere ac de ipsis disponere tamquam successor seu heres legitimus, nisi eisdem dumtaxat aliud quam defectus predictus natalium non repugnet ; defectu hujusmodi consuetudineque vel usu generali vel locali regni nostri ad hoc contrariis non obstantibus quibuscumque ; firmiter inhibentes universis et singulis regni nostri subditis, presentibus et futuris, ne quis eum aut prolem suam vel heredes, successores aut posteros ejusdem in bonis quibuslibet acquisitis vel acquirendis seu undequaque obvenientibus occasione defectus natalium predicti N. impetere seu impedire, turbare vel molestare quoquomodo presumant ; solvendo tamen nobis hac vice dumtaxat financiam moderatam. Quocirca dilectis et fidelibus gentibus compotorum nostrorum, thesaurariis nostris generalibus seu commissariis super facto omnium financiarum nostrarum, baillivo B. necnon ceteris justiciariis et officiariis nostris vel eorum locatenentibus, presentibus et futuris, et ipsorum cuilibet prout ad eum pertinuerit, tenore presencium mandamus quatinus nostras presentes legitimacionem, concessionem et graciam teneant et conservent ac eisdem obtemperent ipsisque jamdictum N. gaudere pacifice paciantur et faciant, non permittentes eumdem N. aut ab ipso causam habentes vel habituros inquietari, impediri vel molestari quoquomodo nunc vel in futurum contra tenorem presentium litterarum. Generalibus vel localibus statutis, stillis, consuetudinibus, usibus, lege et observancia ac editisa quibuscumque non obstantibus. Quod ut firmum et stabile perpetuo perseveret, sigillum nostrum presentibus litteris duximus apponendum. Salvo etc. Datum etc.