Povoir a transportera droit en aucune chose parmy faisant ce qu'on demande1

Karolus etc., universis etc. Cum necessaria utilibus merito preferantur, recte monemur ut pro regni nostri defensione et restauracione nullis exteriusb comoditatibusc percamusd. Nuper igitur ad presenciam carissimi consanguinei nostri ducis Mediolani2 illustris nostros oratores duximus destinandos dilectos et fideles etc., opem, auxilium et subsidium adversus hostes nostros et ad regni defensionem petituros. Verum, cum ad predictum auxilium prestandum pecuniales exigantur expense, eisdem damus in mandatis et specialem super his concedimus potestatem quittandi, pro nobis et nomine nostro, et in manus ejusdem consanguinei nostri et successorum, si opus est, transferendi et perpetuo dimittandi et reddendi per accepcionem liberam peccunie, auxilii aut subsidii super quibus concordaverint, prout viderint expedire, omne et quodcumque jus, titulum, actionem et causam quas habemus et habere pretendimus in civitatem et dominium Janue et eidem juri, titulo et actioni renunciandi ac eumdem consanguineum nostrum investiendi in virtute contractus predicti super quo concordaverint, concordata pro parte ejusdem consanguinei nostri efficaciter adimplendo. Promittentes bona fide et in verbo regis gratum et ratum habere quicquid in hac parte per eosdem contractum, pactum, quittatum et concordatum fuerit, et contra eadem non venire neque repeticionem facere per nos et successores nostros in futurum et nostras dare certifficatorias litteras in robur firmitatis. In cujus rei testimonium etc.