Lettre pour avoir du sel sanz gabeler

Charles etc., aux generaulx etc. Nous voulons et vous mandons que par N., grenetier du grenier a sel de par nous establi a G., vous faites bailler et delivrer a nostre amé et feal chevalier, conseiller et chambellan Tel tant muys de sel sanz gabeler, en prenant le droit du marchant tant seulement, pour la provision et despencea de son hostel. Et par rapportant ces presentes et recongnoissance sur ce dudit N. tant seulement, nous voulons que tout ce a quoy se monteront lesdiz muys de sel pour nostre droit soit alloué es comptes dudit grenetier et rabatu de sa recepte par noz amez et feaulx gens de noz comptes ; ausquelz nous mandons etc. Non obstans quelzconques ordonnances, mandemens etc. Donné etc.