Collacion de prebende vaccant a la collacion du roy de plain droit
Karolus, Dei gracia Francorum rex,
dilectis nostris decano et capitulo ecclesie collegiate Beate Marie Villenove juxta Avinionem1,
salutem.
Notum vobis facimus quod
nos canonicatum et prebendam quos in dicta ecclesia obtinere solebat Talis
, quondam presbiter, per obitum ipsius, prout fertur, aut alios quovismodo vaccantes et ad collacionem nostram hac vice pleno jure spectantes, dilecto et fideli clerico, notario et secretario nostro magistro Odonia Morchesne tamquam bene merito, sufficienti et ydoneo dedimus et contulimus damusque et conferimus pietatis intuitu per presentes ; earum serie vobis mandantes quatinus dictum magistrum Odonem seu ejus procuratorem pro eo in possessionem et saisinam dictorum canonicatus et prebende ponatis et inducatis, stallum sibi in choro et locum in capitulo cum plenitudine juris canonici ut moris est assignantes, adhibitis solennitatibus assuetis, sibique seu predicto procuratori suo de fructibus, redditibus et emolumentis ad eosdem canonicatum et prebendam spectantibus respondeatis seu ab aliis quorum intererit faciatis integre responderi.
Datum in castro nostro de Lochiis2 XXIX a die septembris, anno etc.
XXIII° etc.
