Remission en latin

Karolus etc. Notum facimus universis presentibus et futuris nos requestam parentum et amicorum carnalium N. vel : nobis pro parte N. humiliter extitisse supplicatum quod, cum tali die etc., qua de causa dictus N. formidans rigorem justicie a patria se absentavit et redire non esset ausus, nisi nostra gracia et misericordia sibi impartiretura, prout dicit, humiliter supplicans, attento quod inimicicia aut malivolenciab inter ipsas partes ante dictam rixam nullathenus existebat aut concipiebatur, et quod magis casu quam animo doloso aut excogitata malicia premissa processerunt, etiam quod idem N. in omnibus aliis fuit et adhuc est homo bone vite, bone fame et honeste conversacionis absque eo quod umquam in aliquo alio vicio, crimine enormi seu obprobrio deprehensus fuerit quomodolibetc aut convictus, ut dicit, eamdem graciam sibi velimus eslargiri. Quapropter nos, premissis attentis, volentes in hac parte justicie rigori misericordiam preferri, memorato N. in casu predicto omnes et [fol. 188] singulos casus predictos remisimus, quittavimusd et indulsimus tenoreque presencium ex certa nostra sciencia, gracia speciali et auctoritate regia remittimus, quittamus et indulgemus unacum omni pena, emenda et offensa corporali, criminali et civili, quas premissorum occasione erga et nos et justiciam posset sive potest commisisse aut meruisse, etiam cum omnibus bannis, si que fuerint inde secuta ; et ex uberiori gracia eumdem N. ad suam bonam famam, patrie necnon bonis suis non confiscatis restituimus, procuratori nostro super hoc silencium perpetuum imponendo ; salvo tamen jure partis lese, dumtaxat civiliter prosequando. Mandantes preterea harum tenore baillivo N. ceterisque justiciariis et officiariis nostris aut eorum locatenentibus presentibus et futuris, et cuilibet ipsorum prout suo incombit officio, quatinus dictum N. nostra presenti gracia, remissione, restitucione et indulgencia uti et gaudere faciant, paciantur et permittant pacifice et quiete, nichil in contrarium attemptando seu attemptari permittendo ; quin ymo bona sua dicta de causa saisita, levata, arrestata, impedita vel in nostra manu posita protinus et indilate ad plenariam expedicionem ponant aut poni faciant indilate. Que omnia et singula supradicta ut firma stabiliaque perpetuis durent temporibus, nostrum presentibus jussimus apponi sigillum. Datum etc.