Consentement des generaulx sur lettres royaulx

Nous, les generaulx conseillers ordonnez par le roy nostre seigneur sur le fait et gouvernement de toutes ses finances tant en Languedoïl [fol. 142v] comme en Languedoc, veues par nous les lettres royaulx ausquelles ces presentes sont attachees soubz l'un de noz signetz, faisans mencion de mon seigneur etc. auquel le roy a donné tele chose etc., vel sic : par lesquelles et pour les causes contenues en icelles le roy nostredit seigneur a donné et quittié a N. tele chose, consentons et sommes d'accord, en tant que en nous est, l'enterinement et acomplissement desdictes lettres pour les causes et tout par la forme et maniere que icelui seigneur le veult et mande par icelles. Donné etc.