Nominacion a benefice1
Karolus, regis Francorum filius, regnum regens, dalphinus Viennensis, dux Bitturie et Turonie comesque Pictavie, reverendo in Christo patri et nobis sincere dilectis episcopo decanoque et capitulo ecclesie Laudunensis, salutem et dilectionem. Cum sacris canonum statutis juribusque antiquis et communibus decretum sit ut ecclesiis et earum regimini salubriter provideatur hujusque rei ordinariis et prelatis locorum tamquam personas, loca et merita discernentibus onus incumbat ex debito jureque concedatur longevis dudum servato temporibus, quamquam Sedes apostolica, favorabiliter et minus ordinate hujus rei dispensacioni quibusdem temporibus occurrens, hanc ad se dispensandi et ecclesiastica beneficia universaliter distribuendi traxerit auctoritatem, unde multiplex vexacio, multiplicaciones litium variaque incommoda sunt secutaa, attendentes dominus meus et nos regni hujus ecclesiam variis vexacionibus, longis itineracionibusb et ambiguitate jurium contra ecclesiasticas vexari libertates, per longas et iteratas congregacionesc, de consilio et deliberacione plurium ex sanguine nostro necnon clerid regni curie superioris parlamenti, universitatume et aliorum ecclesiasticorum, ipsas ecclesias regni et Dalphinatus ad antiquas libertates et communia jura duximus et decrevimus reducendas et sub eorum serie conservandas, in ecclesiasticarumf personarum publiceque utilitatis favorem intendentes et sperantes, ut et [fol 69 v] ecclesiis sic provideatur salubrius et cognita merita rectius compensantur personarum. Recolentes igitur quod ad regalia obsequia publiceque rei famulatum vacantes assidue promocionem merentur condignam solentque in beneficiorum ecclesiasticorum distribucione merito preponi, quod laudabiliter extitit observatum, eandem observacionem continuata cupimus duracione permanere et pro his presertim illesam teneri qui domino meo et nobis famulantur et, que ut ordinaciori via procedant, formam nobis ipsis statuimus qua vos et ceteros ordinarios et prelatos super his deprecemur aliquos ad diversas ecclesias nominatimg et distincte precibus provideri querentes, tam juste tamque ordinate in hoc processuri ut nostre peticiones pro meritis proque justo ordine servando non paciantur repulsam. Ipse vero dominus meus et nos, qui ecclesiarum fundatores protectoresque sumus hujusmodique libertatum defensores, et ne confusio sequatur, hunc debitum ordinem presentamus, nos equis oculis spectaremus ut aliter indebite procedere videremurh neque in nos culpam hanc pateremur admitti, ut, cum pro feliciori ecclesie ministerio libertates reductas mandamus observari, indebita dispensacio in nostrum obprobrium sequeretur ; quod si contingeret occurrere, remediis urgeremuri oportunis in ecclesiastici nostrique honoris levamen. Intuentes igitur dilectum et fidelem magistrum Petrum Bechebien, carissime consortis nostre phisicum ac commensalem servitorem2, meritaque virtutesj ejusdem magistri Petri longa cogitacione pensantes, ipsum cupimus ad meliora promoveri, ac eumdem magistrum Petrum regio et nomine nostro juxta ordinem pretactum ad vestram collacionem modo deprecatorio duximus nominandum ; vos rogantes quatinus nostris precibus suarum virtutum et servicii nobis et dicte consorti nostre a longis temporibus impensi intuitu, primas dignitatem, prebendam, administracionem seu officium in ecclesia Laudunensi simul aut successive vaccantes vel vaccaturas ad collacionem vestram seu alterius vestrum quas duxerit acceptandumk, liberaliter eidem magistro Petro Bechebien benemerito conferre velitis, sic domino meo et nobis placituri quod ad ecclesiasticas libertates defendendas ecclesiamque vestram affectiores reddamur, nec vestra negligencia aut alterius affectionis occasione qua inordinata distribucio subsequeretur nos inducatis ut pro publicis Ecclesie commodis alia statuere moveamur ; [fol. 70] vobis significantes presencium tenore quod hunc modum et formam observare prenominatumque aliis omnibus ad vestram prefatam collacionem precibus nominatis preferre intendimus. Non obstantibus quibuscumque litteris aut scriptis a nobis per importunitatem aut alias obtentis, quibus in prejudicium harum nostrarum patencium obtemperari nolumus. Datum apud Montem Argi3 die XXX a mensis marcii, anno Domini millesimo CCCC o decimo octavo.
