Debitis commun en latin1

Karolus etc., primo servienti nostro qui super hoc fuerit requisitus, salutem. Tibi committimus et mandamus quatinus omnia debita bona et legalia, legitime recognita vel probata per testes, litteras, instrumenta, confessionem partis aut alia legitima documenta, queTali deberi noveris, eidem aut ejus certo mandato persolvi facias indilate, debitores ipsos ad hoc per capcionem, vendicionem et expletacionem bonorum suorum quorumcumque corporumque eorumdem detencionem, si necesse fuerit et ad hoc specialiter obligati existant, viriliter et debite compellendo. Et in casu opposicionis, manu nostra usque ad summas in litteris obligatoriis sigillis regiis sigillatis contentas sufficienter munita, opponentes ad certam et competentem diem seu certos et competentes dies coram judicibus ad quos hujusmodi cognicio pertinebit adjornes super dicta opposicione processuros et ulterius facturos ut fuerit racionis, de hujusmodi adjornamento et aliis que in premissis feceris dictos judices ad dictum diem seu dies certifficando competenter. Quibus mandamus quatinus partibus, ipsis auditis, exhibeant bonum et breve justicie complementum. Non obstantibus quibuscumque litteris status aut graciis a nobis seu curia nostra super respectu vel dilacione hujusmodi solvendorum debitorum concessis aut eciam concedendis quibus per dictos debitores, fide et juramento intervenientibus, renunciatum extiterit, de dictis fide et juramento expressam minime facientibus mencionem. Ab omnibus autem justiciariis, officiariis et subditis nostris tibi in hac parte pareri volumus efficaciter et intendi. Nolumus [fol. 3v] tamen quod de his que cause cognicionem exigunt te aliqualiter intromittas. Presentibus post annum minime valituris. Datum etc.