Autre mandement qui porte consentement

Charles etc., a noz amez et feaulx les generaulx conseillers sur le fait et gouvernement de toutes noz finances tant en Languedoïl comme en Languedoc, salut et dilection. Nous voulons et vous mandons que la somme de C, laquele nostre amé et feal G., receveur general desdictes finances1, a paiee et baillee par nostre commandement et ordonnance a P., a qui nous l'avions ordonnee et par ces presentes la lui ordonnons pour tele cause, et se mestier est : la lui avons donnee et donnons de grace especial, vous faites, souffrez et consentez allouer es comptes et rabatre de la recepte dudit G. par noz amez et feaulx gens etc. Ausquelz etc. Non obstant que la quittance precede en date ces presentes et quelzconques ordonnances etc. Donné etc.