Mandement pour chose deue

Charles etc., aux commissaires de tel aide, salut et dilection. Nous voulons et vous mandons que par N., receveur general dudit aide, vous faites paier, bailler et delivrer a Tel tele somme en laquelle nous lui sommes tenus pour un tel cheval ou autre chose que nous avons fait prendre et acheter de lui ledit pris par Tel, nostre etc., et icelui donné a Tel ou : icelle chose baillee en garde a Tel, garde de noz coffres. Et par rapportant ces presentes et quittance suffisant dudit N. ensemble certifficacion sur ce de Tel, garde etc., tant seulement, nous voulons et mandons ladicte somme de tant estre allouee es comptes [fol. 145 v] dudit N. par noz amez etc. Non obstans ordonnances etc. Donné etc.

[14.28.a] ¶ Les mandemens de chevaulx se font en diverses façons : aucunes foiz on lesa fait ou nom du premier escuier d'escuierie ; autre foiz ou nom du marchant de qui on a acheté le cheval, et charge l'en d'en rapporter certifficacion de l'escuier d'escuierie ou de celui a qui on a donné le cheval ; et aucunes foiz le mandement se fait aussi ou nom de celui a quib le cheval estc donné.