Iterato

Charles etc., a noz amez et feaulx etc. Comme par noz autres lettres du XV^e jour de janvier derrenierement passé, cy attachees soubz nostre contreseel, et pour les causes contenues en icelles lettres nous eussions donné a nostre amé N. la somme de tant, a la prendre et avoir pour une foiz des deniers de nosdictes finances, neantmoins, obstans les grans charges et assignacions qui depuis ont esté sur nosdictes finances et la mutacion du receveur general d'icelles, il n'en a peu ne pourroit aucune chose recouvrer sanz avoir sur ce nouvel mandement de nous, si comme il dit, requerant humblement icellui. Pour ce est il que nous, consideré ce que dit est, voulens nostredit don avoir et sortir son plain effect, vous mandons et enjoingnons que par N., a present receveur general desdictes finances, vous faites bailler et delivrer audit G. ou a son certain commandement ladicte somme de tant. Et par rapportant ces presentes, nosdictes autres lettres et quittance etc., icelle somme sera allouee etc. par noz etc. Non obstans etc. Donné etc.