École des chartes » ELEC » Cartulaires d'Île-de-France » Sainte-Croix d'Orléans » Cartulaire » Paris, (av. le 3 août) 1127

Louis VI confirme la concession faite par l'évêque d'Orléans d'une place dite Tanuz aux chanoines de Sainte-Croix, et l'autorisation qu'il leur a donnée de percer une porte dans le mur de ville et d'y faire les réparations nécessaires.

  • A Original. Arch. dép. Loiret, G, fonds de Ste-Croix.
  • B Bibl. nat. de France, Baluze 78, p. 52.
  • a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
D'après a.

In nomine sanctæ et individuæ Trinitatis. Ego Ludovicus, Dei gratia Francorum rex. Notum fieri volumus cunctis fidelibus tam futuris quam et instantibus quod canonici Sanctæ Crucis Aurelianensis in curia episcopali quandam habentes aream, cum domibus orientali muro civitatis adherentibus et ad jus eorumdem canonicorum communiter pertinentibus, in loco qui vulgo dicitur Tanuz, adierunt praesentiam fidelis nostri Johannis, Aurelianensis episcopi, humiliter deprecantes ut quandam particulam curiæ suæ ad episcopatum pertinentem, quæ sita est inter supradictas domos et septentrionem juxta murum civitatis in angulo, habens in longitudine pedes manuales LXta et XVcim et in latitudine totidem, in perpetuum eis concederet. Et cum ipsæ domus prædictæ per eamdem curiam episcopalem consuetudinarium introitum vei exitum habeant, deprecati sunt etiam eumdem episcopum ut licentiam faciendi in muro posterulam ducentem ad orientem, ad egrediendum vel ingrediendum, et insuper de ipso muro, sive in figendis trabibus, sive in superædificandis parietibus, sive in aliis hujusmodi quæcumque ad ædificationem ipsarum domorum necessaria essent, quantum ad episcopatum pertinebat eis concederet, quod ita fecit. Nos autem suprascriptam prædicti fidelis nostri Aurelianensis episcopi concessionem et volumus et approbamus, et majestatis nostræ auctoritate in perpetuum confirmamus. Quod ne valeat oblivione deleri, scripto commendavimus ; et ne possit a posteris infirmari, sigilli nostri auctoritate et nominis nostri karactere subterfirmavimus. Actum Parisius publice . Astantibus in palatio nostro quorum nomina subtitulata sunt et signa : Signum Stephani dapiferi. Sign. Gisleberti buticularii. Signum Hugonis constabularii. Sign. Alperici chamerarii. Data per manum Stephani cancellarii.