Universis presentes litteras inspecturis officialis Carnotensis salutem in Domino. Noverint universi quod coram Guillermo de Puteo, clerico curie nostre, notario jurato ad hoc a nobis specialiter destinato, cui quantum ad hec et majora fidem adhibemus pleniorem, et in presencia ipsius notarii nostri et testium inferius nominatorum, propter hoc personaliter constituti, Heimericus de Gaiis, armiger, et domina Johanna de Buxiaco Riparie, ejus uxor, quondam uxor defuncti Crispini de Ruppeforti, quondam militis, confessi fuerunt coram dicto jurato, etc... 1

Et renonciaverunt per fidem suam omnibus premissis modis omnibus quibuscunque, presentibus ad hec Guillelmo Le Ferron, custode sigilli prepositure Stampensis, Johanne Picquardi de Corbolio, Reginaldo de Gaiis, milite, Guillermo Marquier, presbitero, rectore ecclesie de Fontanis, procuratore dictorum decani et capituli, testibus ad hoc ab ipso jurato nostro vocatis et rogatis, prout hec omnia dictus juratus noster, cui quantum ad hec et majora fidem adhibemus pleniorem, nobis retulit viva voce. In cujus rei testimonium et munimen ad relacionem dicti jurati nostri et petitionem dictorum venditorum et fidejussorum suorum et dictorum Theobaldi et ejus uxoris sigillum nostrum presentibus litteris duximus apponendum. Datum anno Domini millesimo duccentesimo octogesimo octavo, mensse aprilli.

G. de Puteo