Assignation par l'abbé et le couvent de Saint-Euverte, sur les vignes du pressoir Tiaut (?) de 4 sous parisis par an pour 32 deniers parisis qu'ils payaient auparavant aux chapelains de Sainte-Marie-Madeleine.
- B Copie collationnée sur parchemin (XIVe siècle). Arch. dép. Loiret, G 427.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Guillelmus abbas totusque conventus Sancti Evurcii Aurelianensis, omnibus presentes litteras inspecturis salutem in Domino. Noverint universi quod cum nos diu reddere consuevissemus singulis annis certo die, in festo videlicet , triginta et duos denarios parisiensium capellanis altaris sancte Marie Magdalene in ecclesia Sancte Crucis Aurelianensis siti, et predicti capellani dictos denarios peterent tanquam censuales, nobis super hoc diu contra dictos capellanos contendentibus, tandem de bonorum virorum consilio, voluntate et assensu, fuit inter nos ordinatum et compositum quod pro bono pacis predictis capellanis eorumque successoribus reddemus in perpetuum pro triginta duobus denariis quatuor solidos parisiensium annuatim super vineas apud pressorium Tiaut (?) assignatos, ita tamen quod nec predicti capellani nec eorum successores a nobis occasione triginta duorum denariorum aliquid aliud poterunt repetere, nec relevaciones nec redevencias aliquas nisi tantummodo quatuor solidos memoratos, preter emendam si per negligenciam eorum prefixo termino non reddentur predictis capellanis eorumque successoribus, que summam quinque solidorum parisiensium non excedet. In cujus rei fidem et testimonium presentibus litteris sigilla nostra duximus apponenda. Actum .
