École des chartes » ELEC » Cartulaires d'Île-de-France » Sainte-Croix d'Orléans » Cartulaire » La Cour-Dieu, décembre 1236.

Ratification par la reine Ingeburge de l'assignation faite sur les terres de Luyères, qui font partie de son douaire.

  • A Original sur parchemin. Arch. dép. Loiret, G 492.
  • B Copie. Bibl. nat. de France, Moreau 152: 40; d'après le cartulaire, fol. 50vº.
  • a Bulletins de la Société Archéologique de l'Orléanais, tome VIII, p. 512.
  • b Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
D'après b.

I. Dei gratia Francorum regina, universis ad quos littere presentes pervenerint salutem in Domino. Notum facimus quod cum karissimus noster Ludovicus, rex Francorum illustris, occasione enormis facti quod, pro occisione clericorum Aurelianis facta, dilecto nostro Hugoni Buticulario, militi, imponebatur, per dictum suum et ordinationem suam retinuerit duodecim libratas terre ejusdem Hugonis ad opus cujusdam capellanie Aurelianis faciende ; et dilecti nostri magister Johannes dictus Pullus, ejusdem regis clericus, et Adam Panetarius, baillivus Stempensis, ad opus dicte capellanie pro duodecim libratis aunui redditus assignaverint et tradiderint capitulo Aurelianensi quadraginta et octo arpenta terre, uno quaterio minus, sita apud Luières, inter Sanctum Germanum et fortericiam de Luieriis, juxta Haias, de voluntate ipsius regis et nostra ; nos, de cujus feodo dicta terra, ratione dotalicii nostri, movet, dictam assignationem et traditionem gratam habemus, volumus et laudamus. In cujus rei testimonium presentibus litteris sigillum nostrum duximus apponendum. Actum apud Curiam Dei .