Entre les mains des délégués du Saint-Siège, Hugues Bisol et ses frères abandonnent la part du droit qu'ils possèdent au patronage de l'église de Josnes, reconnaissant que patronage et présentation appartiennent à Sainte-Croix.
- A Original sur parchemin. Arch. dép. Loiret, G 333.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
E[rnaldus], Beati Launomari abbas humilis, M., prior Sancti Honorati, B., decanus Blesensis, omnibus in perpetuum. Noverint|universi presentes litteras inspecturi, quod contentio vertebatur coram nobis auctoritate apostolica inter capitulum Sancte Crucis Aurelianensis, ex una parte, et Hugonem Bisol militem et fratres ejus, ex altera, super patronatum ecclesie de Geona et presentatione persone in eadem. Tandem dicti Hugo Bisol et fratres ejus coram nobis recognoverunt se penitus nichil juris habere in ejusdem ecclesie patronatu et presentatione persone in eadem, et patronatum ejusdem et presentationem persone in eadem ad ecclesiam Sancte Crucis Aurelianensis pertinere, et si quid juris habebant in patronatu et presentatione persone in eadem, in manu nostra resignarunt. Nos autem, qui super predicta causa a domino Innocentio, Romane Sedis pontifice, fueramus judices delegati, in hujus recognitionis et resignationis testimonium ex assensu et voluntate sepedictorum H[ugonis] et fratrum ejus presentes litteras sigillorum nostrorum impressionibus duximus consignandas. Actum Blesis apud sanctum Launomarum .
