Confirmation par Honorius III des processions de Saint-Mesmin, de Saint-Vrain de Jargeau et de Saint-Liphard de Meung, des revenus des prébendes de Saint-Pierre de Cluny, de Saint-Benoît, de Saint-Mesmin, de Saint-Liphard de Meung, des pensions, cens et repas dus par certaines églises au chapitre de Sainte-Croix1, ainsi que de sa juriridiction ecclésiastique et séculière en la ville d'Orléans et dans ses villas, églises et paroisses.
- A Original sur parchemin. Arch. dép. Loiret, G 168.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Honorius episcopus, servus servorum Dei, dilectis filiis decano et capitulo Aurelianensi, salutem et apostolicam benedictionem. Sacrosancta Romana Ecclesia devotos et humiles filios ex assuete pietatis officio propensius diligere consuevit, et ne pravorum hominum molestiis agitentur, eos tamquam pia mater sue protectionis munimine confovere. Ea propter, dilecti in Domino filii, vestris justis postulationibus grato concurrentes assensu, processiones ab abbate et monachis Sancti Maximini et a Beatorum Verani et Liphardi canonicis vobis debitas, redditus et proventus, quos de prebendis Sanctorum Petri Cluniacensis, Benedicti, Maximini, Aviti et Liphardi, salva tamen eis foraneitate sua, percipitis, pensiones, census et refectiones que obtinetis in quibusdam ecclesiis Aurelianensis diocesis ab antiquo, jurisditionem quoque tam ecclesiasticam quam secularem quam in Aurelianensi civitate, in villis et ecclesiis et parrochiis vestris habetis, sicut ea omnia juste et pacifice possidetis, vobis auctoritate apostolica confirmamus et presentis scripti patrocinio communimus. Nulli ergo omnino hominum liceat hanc paginam nostre confirmationis infringere vel ei ausu temerario contraire. Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum. Datum Rome apud Sanctum Petrum .
