Universis presentes litteras inspecturis officialis Aurelianensis salutem in Domino. Noveritis quod in nostra presentia constituti Stephanus Marescalli, miles, et Ysabella ejus uxor totam censivam de la Cue1 (sic) prope Meson giraudi et omnes gallinas censuales sibi debitas in dicto loco, item sexdecim denarios censuales quos dicebant se habere et possidere vel quasi super quatuor arpentis terre sitis retro domum Mesigiraudi, moventes ex parte dicti militis, ut dicebant, quas censivas tenebant a venerabilibus viris decano et capitulo Aurelianensibus, vendunt et nomine vendicionis tradunt, quitant penitus et dimittunt coram nobis in jure venerabilibus viris decano et capitulo Aureliaoensibus pro viginti octo libris parisiensium, de quibus se tenuerunt dicti venditores integre pro pagatis in pecunia numerata, jus, dominium, proprietatem et possessionem etc... transferendo et nichil sibi etc... retinendo. Promittentes, etc... Immo promiserunt, etc... Obligaverunt etc..., supponentes se una cum omnibus bonis suis quantum ad predicta juridictioni curie Aurelianensis ; et renunciaverunt, etc... In cujus rei memoriam et testimonium presentibus litteris ad requisicionem dictorum Stephani et Ysabelle sigillum curie Aurelianensis duximus apponendum. Datum anno Domini millesimo ducentesimo septuagesimo octavo, die martis ante festum sanctorum Symonis et Judei.

Matheus.