Universis presentes litteras inspecturis, officialis curie Aurelianensis salutem in Domino. Noveritis quod in nostra presentia constituti Petrus de Villaripion et Aubertus, ejus frater, milites, vendicionem factam venerabilibus viris decano et capitulo Aurelianensibus a Roberto de Froevilla milite, videlicet domus et tocius terre arabilis imbladate et non imbladate, quam se habere dicebat idem Robertus apud Mores, in parrochia de Rovreio, — prout continetur in litteris reverendi patris episcopi Carnotensis super hac vendicione confectis, que sic incipiunt : P. divina miseracione Carnotensis episcopus et cetera, et sic terminantur : Datum anno Domini millesimo ducentesimo sexagesimo primo, mense maio, — moventem de feodo dictorum militum, laudaverunt, quittaverunt et etiam admortificaverunt dictis decano et capitulo Aurelianensibus, tamquam primi domini feodales, precio quater viginti librarum parisiensium, tum pro quiont denario, tum etiam pro admortificatione, de quibus se tenuerunt dicti fratres coram nobis integre pro pagatis in pecunia numerata, renunciantes, etc.. Jaquelina vero, uxor dicti Petri, et Johanna, uxor dicti Auberti, de voluntate et auctoritate dictorum militum, maritorum suorum, dictas laudacionem, quittacionem et admortificacionem dictis decano et capitulo factas super dicta vendicione a maritis suis laudaverunt, quittaverunt et etiam approbaverunt, promittentes, etc. Actum anno Domini millesimo ducentesimo sexagesimo primo, die mercurii post Rexurrectionem Domini.

1 Stephanus.