École des chartes » ELEC » Cartulaires d'Île-de-France » Sainte-Croix d'Orléans » Cartulaire » 27 juin 1279

Bail par le chapitre à Pierre de Broces de maisons à Saint-Vincent et de 4 arpents et demi de vigne, pour un loyer de 30 sous parisis.

  • A Original sur parchemin. Arch. dép. Loiret, G 268.
  • a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
D'après a.

Universis presentes litteras inspecturis officialis Aurelianensis salutem in Domino. Noveritis quod in nostrum presentia constitutus Petrus de Brocis, clericus venerabilis viri magistri Johannis de Brocis, canonici Aurelianensis, confessus est in jure coram nobis se accepisse a venerabilibus viris decano et capitulo Aurelianensibus quasdam domos quas ipsi habent in parrochia Sancti Vincencii in Vineis Aurelianensis cum pertinentiis suis, que quondam fuerunt deffuncti magistri Stephani de Noemio, clerici, et quatuor arpenta cum dimidio vinearum sita apud locum qui dicitur Ostrays, tenenda, possidenda, explectanda et excolenda ab eodem Petro quamdiu vixerit sub annua pensione triginta solidorum parisiensium prefatis decano et capitulo vel eorum mandato singulis annis ab ipso Petro terminis sequentibus reddendorum, videlicet quindecim solidos parisiensium , et alios quindecim solidos . Et promisit idem Petrus bona fide quod ipse ponet in meliorationem dictarum domorum decem libras parisiensium infra duos annos ultimo preterita computandos ; promisit etiam dictas vineas excolere seu excoli facere anno quolibet de omnibus factionibus competentibus quoad vixerit, et dictos triginta solidos solvere prout superius est expressum. Et quantum ad omnia et singula predicta tenenda, facienda, firmiter et fideliter ac inviolabiliter observanda, idem Petrus predictis decano et capitulo se, heredes et successores suos et omnia bona sua mobilia et immobilia, presentia et futura ubicumque existentia obligavit, se et sua bona jurisdictioni nostre curie supponendo. In cujus rei testimonium presentibus litteris sigillum Aurelianensis curie duximus apponendum. apostoli1.


1 Ceci est évidemment une erreur du scribe pour Baptiste, car on n'a jamais célébré la Nativité de saint Jean l'Evangéliste.