École des chartes » ELEC » Cartulaires d'Île-de-France » Sainte-Croix d'Orléans » Cartulaire » Septembre 1224

Lettre de non-préjudice du chapitre de Sainte Croix, relative à la charte précédente.

  • A Original sur parchemin. Arch. nat., J 170: 12
  • a Teulet, Layettes du Trésor des chartes, tome II, p. 139.
  • b Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
D'après b.

L[ebertus] decanus et universum Aurelianense capitulum universis presentes litteras inspecturis salutem in Domino. Noverint universi quod nos ad consequentiam in posterum trahere non poterimus gratiam quam dominus noster Ludovicus, Dei gratia Francorum rex, nobis fecit super eo videlicet quod nobis concessit, ad exemplum progenitoris sui inclite recordationis Philippi, quondam Francorum regis illustris, ut servos nostros et ancillas nostras, extra terram nostram commorantes, ubicumque inventi fuerint, auctoritate sua et nostra manumittamus, tali modo quod, si de servitute eorumdem hominum inter nos et ipsos quos de servitute impetremus oriatur contentio, per juramentum legitimorum hominum, sine duello, eos servos approbemus et manumittantur. Si autem idem homines noluerint manumitti, pro modo facultatum suarum tallientur. Actum , mense semptembri.