P. de « Rusco », suzerain, approuve le don fait au chapitre par Ebrard de Châteauneuf de 16 sous, dont 9 à revenir après le décès de sa veuve Rose, qui les a en douaire.
- A Original sur parchemin. Arch. dép. Loiret, G
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
G., cantor Aurelianensis, omnibus presentes litteras inspecturis salutem in Domino. Universitati vestre notum facimus quod, cum vices venerabilis patris Manasse Aurelianensis episcopi gereremus pro tempore, Petrus de Rusco, miles, in nostra presentia constitutus, elemosinam sexdecim solidorum, qui de suo erant feodo, a defuncto Ebrardo de Castro-Novo factam capitulo Sancte Crucis, quos eidem capitulo dictus Ebrardus imperpetuum habendos contulerat, quorum sexdecim solidorum jam septem solidos ipsum capitulum possidebat expectans novem reliquos, post decessum relicte prefati Ebrardi que Rosa dicitur, quos ipsa Rosa dotalicii titulo possidet, ad idem devolvendos capitulum approbavit et elemosinam illam ipsi capitulo quitavit penitus quiete et libere perpetuo possidendam. Quod nostra factum presentia ut ratum et notum permaneat, presentem paginam ad petitionem partium sigilli nostri karactere fecimus communiri. Actum .
