A touz caus qui ces presentes lestres varront et orront Jaque Biaubouchier, prevost d'Estampes, et Guillaume Le Ferron, guarde de seel de ladite prevosté, saluz an Nostre Segneur. Sachent tuit present et avenir que an nostre presence establiz an droit Hemeri de Guays, escuier, et Madame Jehanne de Boissi, sa fame, jadis fame feu Crespin de Rochefort, chevalier, requenurent an droit pardevant nous de leur bone volanté sanz nulle force que il avoient vendu a honorables homes au dean et au chapistre d'Orlians et au nom de leur église d'Orlians au nom de vente, baillié, livré et quité a touz jourz mais sanz nul rapel toute la terre et toutes les rentes que il avoient a Boissi la Rivière1delez Estampes, mouvenz de l'erilage a ladite dame, ce est assavoir la meson et toutes les apartenances soit an vignes, an courtiz, an aunoiz, an prez, an rivieres, an guaranes, an cens, an dimes et an friches, et le sextime que il eust an la terre monsegneur Jehan de Boissi, chevalier, et Thomas de Boissi, escuier, et en terres gaignables anviron cinquante et sept arpanz, po plus, po mains, et an bois et an fiez don Monsegneur Jehan de Boissi tient do dit Hemeri nu. anu. adis livrées de rente parisis po plus po moinsb, et Hemeri le tient de chapistre. Et Thomas de Boissi, escuier, tient quarante et huit livrées par. de nu. anu. po plus po moins. Item madame Fauque de Domarville2tient huit livrées par. nu. anu. po plus po moins. Item Guiot Broart3, escuier, tient sis livrées nu. anu. po plus po moins, et ce icil Hemeri tient nu. anu. de chapistre. Item le rierefie de Amerville4que l'an tient de Thomas de Boissi, icil Thomas le tient de celui Hemeri, et Hemeri de chapistre ; et vaut ce rierefie a caus qui le tienent deus cenz livres de tournois po plus po moins. Item un rierefie que Mons. Bouchart de Bois5tient do dit Hemeri, c'est asa voir la meson Mons^r Jehan de Boissi, chevalier, que il tient du dit Bouchart et les apartenances d'icelle meson juques a la value de vint et quatre livrées de rente po plus po moins pour le pris de cinc cenz et cinquante livres par. Item Phelipon de Boissi tient sa dime do dit Hemeri, et Hemeri de Mons^r Jehan de Boissi, et Monsegneur Jehan de mestre Henri d'Albeville6, arceprestre d'Orlians, juques a la value trente livrées ou de pres. Item Guillaume de Prinvau7tien do dit Hemeri sa terre de Prinvau, et Hemeri de Thomas de Boissi, et vaut ice de rente autour quarante livrées parisis, et ci dui darrenier fie sunt vendu le pris de cinquante livres par. Et de ces cinc cenz et cinquante livres et des cinquante livres pour les deus fiez darreniers li diz Hemeris et la dite dame Jehanne sa fame se tindrent antiermemant pour poiez parde-devant nous, an bone pecune nombrée, bailliée et livrée, et renoncerent pardevant nous a l'exception de la peccune non bailliée et non receue et non eue, et se desseisirent par devant nous li diz escuiers et ladite dame de tout le droit de la possession et de la propriété des choses desus nommées sanz riens retenir a aus, et transporterent au dit dean et chapistre d'Orlians au nom de l'eglise d'Orlians tout le droit et toute lasegnourie de possession et de propriété que il avoient es choses desus dites ou povoient avoir par reison de heritage ou de conquest ou par autre reison quelque elle soit. Et promistrent et gagierent par devant nous a delivrer, a garantir et a deffendre les choses desus nommées et tout le droit que ledit escuier et ladite dame povoient avoir an ices choses audit dean et au chapistre a touz jourz meis loiaument contre touz segneurs et contre toutes manieres de genz, franches et delivrees de douaires et de toutes autres obligations as hus et as coutumes de pais, a leurs propres despans. Et se il avenoit que aucuns chalongoit ladite terre ou partie des choses desus dites, il promistrent pardevant nous et gagierent a garantir et deffendre a leur propres couz audiz dean et chapistre, et se aucuns, par santence ou par droit que il eust, anportoit lesdites choses ou partie d'icelles, il obligierent pardevant nous a restablir audiz dean et chapistre de leur propre heritage jusques a la value des choses evencues, ou feire tant que li deans et chapistre se tendroient a poié. Et quant a ces convenances ci desus nommées tenir, garder et acomplir en la maniere que il est desus devisié li diz Hemeris et ladite dame sa fame obligierent pardevant nous et soumistrent aus et leur hoirs et touz leurs biens et les biens de leur hoirs meubles et non meubles presenz et avenir ou que il soient a jousticier par la juridicion et par la cohercion de la prevosté d'Estampes. Et pour ces choses ci com elles sunt devisiées tenir et acomplir vindrent au droit pardevant nous, a la requeste dudit Hemeri de Guays et de Madame Jehanne sa fame, nobles homes c'est asavoir Monsegneur Phelippe de Gualardon1, Monsegneur Mahi de Baillieil2, chevalier, Hemeri de la Bruière3 et Guillaume de Guays, escuier, et se firent, ordenerent et establirent plege et principal garant et chacuns pour le tout sanz division ferre de lavente et de toutes les convenances desus dites tenir, garantir, delivrer, deffendre et acomplir an la manière que il est desus dit an toutes choses sanz riens excepter. Et obligierent vers ledit dean et chapistre aus et leur hoirs et touz leurs biens et le bien de leur hoirs meubles et non meubles, presenz et avenir an la manière desus dite. Et renoncèrent lesdiz vendeeurs et les pleges desus nommez an ce cas a toute exception de fraude et de barat, a benefice de l'espistre de dive Adrian, et ladite dame a benefice de Veilleyan, et tuit ansemble renoncierent a touz privileges donnez et a donner par reison de croiz prises et a prendre a toute ayde de droit, de fet, de canon et de lay, et a exception de touz decevemanz, et a la barre par laquelle li deceu de la moitié de droit pris sunt restabli, a touz establissemanz viez et nouviaus, a toutes coustumes de pays et de leus, a toutes autres barres, exceptions, cavillacions et deffenses qui pourroient estre obiciées et proposées contre cest present estrumant. Et devant nous establi an droit noble home Monsegneur Thibaut de Nangevile4, chevalier, demourant a Papellon5et Madame Jehanne sa fame et mere de ladite vendarresse de leur gré sanz force vostrent, agreerent et ostroierent ceste vente et renoncierent a tout droit que il avoient ou povoient avoir es choses desus dites par reison de douaire, de conquest et par autre reison quelque elle fust. Et promissent que contre ladite vente ne vendront ne assoieront avenir par aus ne par autres. Et quant a ce il obligierent aus et leur hoirs an la maniere desus dite an toutes choses sanz riens excepter ne retenir et renoncierent a la dite manière et a toutes les choses desus nommées sanz nulle retenue feire. Et an tesmoin de ceste chose a la requeste do dit Hemeri de Guays et de sa fame et des pleges desus diz et do dit Mous. Thibaut et sa fame nous avons mis an ces lettres la seel de la prevosté d'Estampes, sauf le droit le roi de France et la rayne, an l'an de grace Nostre Segneur mil et deux cenz et quatre vinz el huit, o mois d'avril, le dimanche apres Quasi-modo, et fut fet et acordé a Guays.