Jean Lemire, chanoine de Jargeau, confirme la donation faite par son oncle Paschase, chanoine de Saint-Aignan, à Bartholomée, chanoine de Sainte-Croix, de ses droits sur les maisons du cloître, édifiées par Martin, sous-doyen de Saint-Aignan ; il en règle la dévolution.
- A Original. Arch. dép. Loiret, G 268 ; mention Scriptum.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Manasses, Dei gratia episcopus, et Robertus cantor Aurelianensis et Beati Verani Jargogilensis decanus, omnibus presentes litteras inspecturis salutem in Domino. Ad universitatis vestre noticiam volumus pervenire quod dilectus in Christo filius Johannes, filius Johannis Medici, Beati Verani Jargogilensis canonicus, in nostra presentia constitutus, laudavit, ratam habuit et concessit donationem et concessionem quam magister Paschasius, Beati Aniani Aurelianensis canonicus, ejusdem Johannis avunculus, fecerat Bartholomeo, Aurelianensi canonico, de jure suo quod habebat in domibus quas bone memorie Martinus, quondam Beati Aniani Aurelianensis subdecanus, ejusdem Paschasii patruus, in claustro Sancte Crucis Aurelianensis edificavit. Voluit etiam idem Johannes et in presentia nostra concessit ut dictus Bartholomeus dictas domos quamdiu viveret pacifice possideret. Preterea idem Johannes jus succedendi quod habebat in ipsis domibus et jus possidendi easdem in vita sua post decessum dicti Bartholomei, loco magistri Paschasii, ut dictum est, positi, quod jus ex donatione supradicti Martini, Beati Aniani subdecani, ei conpetebat, Ade, ejusdem Bartholomei fratri, ad preces dilecti filii Fulconis, Aurelianensis decani, eorumdem Bartholomei et Ade avunculi, coram nobis donavit et concessit, promittens se in eisdem domibus per se vel per quemcumque alium nichil de cetero reclamaturum. In hujus igitur rei memoriam et confirmationem presentes litteras ad peticionem sepedicti Johannis annotari fecimus et sigillorum nostrorum munimine roborari. Actum Aurelianis .
