Sentence arbitrale portant que maître Arnoul Pichot paiera, pour une dime d'une « lagena » par muids en ses vignes de Mardié, 2 sous parisis par an au chanoine Robert de Marcilly, décimateur à vie.
- A Original sur parchemin. Arch. dép. Loiret, G 347.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
H. cantor, I. subdecanus, Alardus, canonicus Beati Aniani Aurelianensis, omnibus presentes litteras inspecturis salutem in Domino. Noverit universitas vestra quod, cum causa auctoritate apostolica coram nobis verteretur inter decanum et capitulum Aurelianense, ex una parte, et magistrum Arnulphum Pichot, ex altera, super decimatione cujusdam arpenti vinee quam idem magister tenet ad censum ab eodem capitulo apud Marceium, tandem inter predictas partes talis compositio intercessit, quod prefatus Arnulphus prenominato capitulo vel ei qui decimam de Marceio ab ipso capitulo habebit de quolibet modio vini dicte vinee se promisit unam lagenam annis singulis integre et sine diminutione bona fide nomine decime soluturum, pro qua decima idem A[rnulphus], quandiu prefatam vineam tenebit, quolibet anno tamen duos solidos parisiensium Roberto de Marcelliaco, canonico Aurelianensi, qui decimas de Marceio ad vitam suam habet a capitulo Aurelianensi, persolvet, quos si infra festum dictum persolverit, prefatus R[obertus] nichil amplius ab ipso exigere poterit pro decima memorata. .
