Omnibus presentes litteras inspecturis officialis Aurelianensis salutem in Domino. Noverint universi quod constituti coram nobis Guillermus le Marrigler et Boneventa ejus uxor quoddam vinee arpentum quod se habere dicebant apud locum qui dicitur Terrestres1, in censiva prioris de Semeio situm, et quod a Petro Billart et Ermenjardi ejus sorore in escambio habuerant, ut dicebant, vendiderunt penitus et in perpetuum quitaverunt viris venerabilibus et discretis decano et capitulo Aurelianensibus pro sexdecim libris parisiensium, de quibus dicti Guillelmus et ejus uxor se tenuerunt coram nobis integre pro pagatis, fide data promittentes, etc... In cujus rei memoriam et testimonium presentes litteras sigillo Aurelianensis curie fecimus sigillari. Datum anno Domini MCCXL tercio, mense novembri.