Philippus, divina permissione Bituricensis archiepiscopus, Aquitanie primas, omnibus presentes litteras inspecturis salutem in Domino. Noveritis quod constitutus in presentia nostra Stephanus dictus Bouers1 recognovit coram nobis quod ipse erat homo de corpore ecclesie Sancte Crucis Aurelianensis et quod aliud dominium non advocaverat nec aliud advocabat. Hujus rei sunt testes magister Radulfus de Carentonio, canonicus Bituricensis, magister Anselmus, canonicus Sancti Ursini Bituricensis, Gilo de Rogereto et P. de Autroche, milites, Blondellus et Guillermus Li Codurers, servientes nostri. In cujus rei memoriam et testimonium presentes litteras sigilli nostri munimine duximus roborandas. Datum anno Domini MCCXL quarto, mense junio.