École des chartes » ELEC » Cartulaires d'Île-de-France » Sainte-Croix d'Orléans » Cartulaire » 1174

Adam Bréon, prévôt et chanoine de Sainte-Croix, donne un arpent de vigne de sa prébende à six hôtes pour y construire leurs habitations, moyennant 2 sous de cens annuel chacun.

  • A Original sur parchemin. Arch. dép. Loiret, G 268.
  • a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
D'après a.

Quum ex oblivione nonnunquam nascitur dissensio, labilem hominum memoriam vivaci litterarum testimonio fulciri omnemque dissensionis occasionem amputari oportet. Eapropter ego Hugo, Sancte Crucis decanus, totumque ejusdem ecclesie capitulum presentium et futurorum presenti scripto noticie transmittimus quod Adam Breon, prepositus et canonicus noster, arpentum vince quod ad prebendam suam spectabat consilio et assensu nostro ad edificia et habitacula sua construenda sex hospitibus concessit, ita quod liceat eis et heredibus suis dare, vendere, tali conditione quod singuli singulis annis II solidos census in persolvant, relevationes etiam quotienscumque evenerint. Justiciam et alias consuetudines que in terra aliorum canonicorum Sancte Crucis esse noscuntur predictus Adam in eadem terra habebit. Quod ut ratum firmumque permaneat sigilli nostri auctoritate fecimus roborari. Adstantibus in ecclesia nostra majoribus personis Hugone decano, Andrea cantore, Letoldo subdecano, Manasse capicerio. Actum in capitulo nostro .