Ferry et Guillaume de Jouy, chevaliers, confirment la donation faite au chapitre par leur frère Philippe, évêque d'Orléans, de ses possessions de Villiers-Martin.
- A Original sur parchemin. Arch. dép. Loiret, G 244.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Omnibus presentes litteras inspecturis Ferricus de Joiaco et Willelmus de Joiaco fratres, milites, salutem in Domino. Noverint universi quod cum venerabilis pater dominus ac frater noster Philippus, Dei gratia Aurelianensis episcopus, totum quicquid habebat apud Villare Martini et in territorio ejusdem ville decano et capitulo Aurelianensis ecclesie in perpetuam elemosinam contulisset, nos dictam donationem voluimus et concessimus, fide media promittentes quod contra dictam donationem per nos vel per alios nullatenus veniemus, et quod eandem ab uxoribus nostris faciemus laudari. In cujus rei memoriam et testimonium presentem paginam sigillorum nostrorum munimine fecimus roborari. Actum . Presentibus venerabilibus viris Arnullo capicerio, Hugone Pithverensi, Willelmo Sigaloniensi, Roberto Soilliacensi archidiaconis, Garino magistro scolarum, Gilone de Loriaco, magistro Stephano Biguerel, canonicis Aurelianensibus, et Raginaldo, archipresbitero Bituricensi.
