15 juillet 1277. Cartulaire. Sainte-Croix d'Orléans. Cartulaire de Sainte-Croix d’Orléans (814-1300), contenant le « Chartularium ecclesiae Aurelianensis vetus », suivi d’un appendice et d’un supplément, par Joseph Thillier et Eugène Jarry, Paris : Alphonse Picard et fils, 1906, CXIX-634 p., 2 pl. h.-t. (Mémoires de la Société archéologique et historique de l’Orléanais, 30).

15 juillet 1277

Reconnaissance, par sentence arbitrale du chapitre, du droit du curé de Mardié à un muids de vin sur la dîme du chapitre ; mais durant la vie de Guy Fabi, chanoine, décimateur actuel, le curé recevra en représentation 5 sous parisis.

A Original sur parchemin. Arch. dép. Loiret, G 347.

a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.

D'après a.

Universis presentes litteras inspecturis decanus et capitulum Aurelianenses salutem in Domino. Noveritis quod cum contencio verteretur inter Johannem de Vitriaco, presbiterum rectorem ecclesie de Mardeio, ex una parte, et virum venerabilem dominum Guiardum dictum Fabi, concanonicum nostrum, qui nunc tenet decimam nostram de Mardeio a nobis, nomine nostro et ecclesie nostre Aurelianensis, ex altera, super eo videlicet quod dictus presbiter sive rector dicebat se habere unum modium vini in decima predicta anno quolibet in vindemiis, et predecessores suos in dicta ecclesia in possessione fuisse a tempore cujus memoria non existit habendi et percipiendi dictum modium vini nomine ecclesie sue, dicto canonico contrarium asserente ; tandem ambe partes quantum ad predicta se alte et basse ordinacioni nostre supposuerunt et quod de premissis ordinaremus promiserunt fide media inviolabiliter servaturos. Nos vero, utriusque precibus racionibus consideratis, pluribus eciam conjecturis et presumptionibus vehementissime pro dicto presbitero facientibus intellectis, attendentes eciam quod dicta ecclesia ad collationem nostram pleno jure spectat et ideo eidem ecclesie non immerito plus tenemur, predictam discordiam sic duximus terminandam videlicet quod pro dicto modio vini solvet dictus canonicus quolibet anno in vindemiis dicto presbitero et ejus successoribus in dicta ecclesia canonice instituendis quinque solidos parisiensium quamdiu tenuerit decimam supradictam, et pro dictis quinque solidis erit immunis idem canonicus, quamdiu dictam decimam tenuerit, a prestacione modii supradicti. Demum, cedente vel decedente predicto Guiardo concanonico nostro, dictus presbiter qui nunc est in dicta ecclesia et ejus successores in eadem ecclesia canonice instituti dictum modium vini anno quolibet in vindemiis super dicta decima extunc percipient et habebunt, prout in quibusdam nostris aliis litteris super hoc confectis plenius continetur. In cujus rei memoriam et testimonium presentibus litteris sigillum nostrum duximus apponendum. Datum anno Domini millesimo ducentesimo LXX septimo, die jovis post estivalem festum Sancti Benedicti.