École des chartes » ELEC » Cartulaires d'Île-de-France » Sainte-Croix d'Orléans » Cartulaire » Mai 1250

Pierre Coureau, chevalier, abandonne le droit de tutelle ou commandise qu'il prétendait avoir sur des hommes et femmes de Ste-Croix à Maray.

  • A Original sur parchemin. Arch. dép. Loiret, G.
  • a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
D'après a.

Universis presentes litteras inspecturis archipresbiter Graciaciensis salutem. Noverint universi quod cum Petrus Coralli, miles, diceret se habere commandicias super quosdam homines et quasdam feminas Sancte Crucis de Mazeio, tandem inter venerabilem virum M[anassem], decanum Aurelianensem, ex una parte, et dictum Petrum, ex altera, intervenit amicabilis composicio, talis videlicet, quod dictus Petrus dictas commandicias penitus et imperpetuum quittavit et dictos homines et dictas feminas eorumque successores et heredes penitus et imperpetuum absolvit a dictis commandiciis, promittens per fidem suam contra predicta per se vel per alium de cetero non venturum et de predicta quittacione se facturum legitimam garentiam contra omnes. Hanc autem quittacionem voluit et concessit Johanna, uxor dicti Petri, per fidem suam promittens se contra predicta non venturum racione dotis vel dotalicii seu qualibet alia ratione, prout hec omnia dicti Petrus et ejus uxor per fidem suam confessi sunt coram nobis. In cujus rei memoriam ad requisicionem parcium presentes litteras fecimus sigilli nostri munimine roborari. .