Universis presentes litteras inspecturis officialis curie Aurelianensis salutem in Domino. Noverint universi quodin nostra presentia constitutus Guiardus de Tribus fontibus, domicellus, quinque modios duo sexteria tam bladi quam avene ad mensuram Stampensem et quicquid habebat et percipiebat in grangia de Mesnilio Giraudi, quod quidem habuerat a Guidone, domicello, et Johanna, uxore sua, ratione escambii seu permutationis facte adinvicem inter eos, vendidit et concessit et imperpetuum penitus quitavit viris venerabilibus capitulo Aurelianensi pretio ducentarum librarum turonensium, de quibus dictus Guiardus se tenuit coram nobis integre pro pagato in pecunia numerata, exceptioni non numerate pecunie sibi non tradite et non recepte renoncians penitus et expresse. Promittens per fidem, etc. Constituti eciam coram nobis Guillelmus de Centegnonvilla, miles, promisit per fidem suam et sub pena quadraginta librarum se facturum et procuraturum quod Johannes de Buxiaco, miles, primus dominus feodalis dicte rei vendite, ut dicit, dictam vendicionem ratificabit et admortificabit et promittet garentire tanquam primus dominus feodalis ; Petrus de Abevilla, miles, promisit similiter per fidem suam et sub pena quadraginta librarum se facturum et procuraturum quod Philippus de Buxiaco, miles, secundus dominus feodalis dicte rei vendite, ut dicit, dictam vendicionem ratificabit et admortificabit et promittet garentire tanquam dominus secundus feodalis ; pro quibus penis dicto capitulo solvendis si eas committi contigerit, aut si deficerent in premissis, dicti Guillelmus et Petrus obligaverunt se et heredes suos et omnia bona sua et idem Petrus de Abevilla, miles, tercius dominus feodalis dicte rei vendite, ut dicit, dictam venditionem ratificavit et admortificavit coram nobis et promisit per fidem suam se garentiturum eamdem tanquam tercius dominus feodalis. Guillermus vero Malesherbes, miles, quartus dominus feodalis dicte rei vendite, ut dicit, etc... Constituta etiam coram Thoma de Capella, clerico, notario curie Aurelianensis ad hoc specialiter destinato, Ysabellis, uxor dicti Guiardi de Tribus fontibus, dictam vendicionem factam a dicto Guiardo, marito suo, predicto capitulo de predictis voluit et concessit et promisit, etc... Immo promisit, etc... Preterea nobiles mulieres Johanna, uxor Johannis de Buxiaco, militis, primi domini feodalis dicte rei vendite, Aalipdis, uxor Petri de Abevilla, militis, tercii domini feodalis dicte rei vendite, et Maria, uxor dicti Guillermi Malesherbes, militis, quarti domini feodalis dicte rei vendite, ut dictum est, coram dicto notario ad hoc specialiter destinato constitute, et similiter Johannes de Limeri, domicellus, Ysabellis, uxor sua, Guillermus de Puiselez, domicellus, Agnes, uxor sua, et Johanna, soror dictarum Ysabellis et Agnetis, sororum predicti Johannis de Buxiaco, militis, primi domini feodalis dicte rei vendite, ut dictum est, dictas vendicionem, etc... In cujus rei memoriam et testimonium presentes litteras fieri fecimus et sigillo Aurelianensis curie communiri. Datum anno Domini millesimo ducentesimo septuagesimo, mense februario, die sabbati post Purificacionem beate Marie virginis.