Licet universorum devotio fidelium ecclesiarum utilitatibus debeat intendere, eos in q..... ...cipiunt stipendia propensiori sollicitudine adhuc condecet anhelare ; eapropter [ego Hugo, ecclesie Sancte] Crucis Aurelianensis decanus, totumque ejusdem ecclesie capitulum ecclesiam Beati Evurtii, que ecclesie ..... dinoscitur, singulari prerogativa dilectionis amplectentes et ejus incrementum nostrum reputantes..... [do]nationem ecclesie Sancti Donatiani, quam piissimus et christianissimus rex Francorum Ludovicus predicte..... contulit, que specialiter ad domum ejus pertinebat, salva ea justicia episcopi, decani et archipresbiteri, quam usque ad tempora donationis hujus in predicte ecclesie sacerdotibus dinoscuntur habuisse, salvis eciam consuetudinaria refectione quam in prescripta ecclesia in sollempnitate beatorum martyrum Donatiani et Rogatiani percipimus, et servitio quod prenominate parrochie sacerdos ecclesie..... consuevit exhibere, ratam esse in perpetuum voluimus, et eidem donationi auctoritatis nostre assensum conferimus et prebemus, et sigilli nostri munimine roborantes perpetue robur stabilitatis obtinere sanctimus. Auctum publice anno ab incarnatione Domini MCLXXIX, ordinatis in ecclesia nostra majoribus personis Hugone decano, Andrea cantore, Letoldo subdecano, Manasse capicerio.