Universis presentes litteras inspecturis officialis Aurelianensis salutem in Domino. Noveritis quod coram nobis in jure constituti Hemardus de Truigniaco et Philippa, ejus uxor, vendiderunt et nomine venditionis in perpetuum quittaverunt venerabilibus decano et capitulo Aurelianensi quicquid babent, tenent et possident in terris, domibus, possessionibus et aliis teneuris quibuscumque, sitis apud Mores in parrochia de Rovreyo Sancte Crucis, in feudo Petri Courteheuse, armigeri, precio octies viginti librarum parisiensium et centum solidorum, ex quibus coram nobis se tenuerunt integre pro pagatis in pecunia numerata. Renunciantes, etc... Promittentes, etc... Renunciantes, etc... In cujus rei memoriam et testimonium veritatis presentibus litteris sigillum Aurelianensis curie duximus apponendum. Datum anno Domini MCC septuagesimo nono, die jovis ante Penthecosten, mense maio.

Adam.