In nomine Patris et Filii et Spiritus Sancti, Amen. Universis presentes litteras inspecturis officialis Nivernensis salutem in Domino. Notum facimus quod cum proponeret in jure coram nobis procurator venerabilium virorum decani et capituli Aurelianensium, nomine procuratoris ipsorum et pro ipsis actor, contra dictum Pachin et dictum Aton, ejus nepotem, reos quod, cum dicti decanus et capitulum nomine quo supra fuissent et essent in possessione percipiendi et habendi annis singulis super molendinum de Pruynat a possessoribus dicti molendini et ab eis lem duos sextarios mosture ad mensuram de Guercia circa festum Omnium Sanctorum, dicti rei, qui dictum molendinum tenent et possident, tenuerunt et possederunt anno nonagesimo sexto, in solucione dictorum duorum sexteriorum mosture defecerunt et solvere contradicunt, licet super hoc pluries fuerint requisiti, ac ideo peteret dictus procurator, nomine quo supra, a dictis reis dictos duos sexterios mosture, in quorum solucione defecerunt pro dicto anno nonagesimo sexto, ad estimacionem quatuor librarum sibi reddi et solvi, in predictam possessionem reduci et ipsos reos sibi ad hoc a nobis sententialiter condempnari et condempnatos compelli, et super premissis sibi justiciam exhiberi, salvo sibi juris beneficio, etc... lite vero super hiis legittime contestata, prestito a dicto procuratore, nomine quo supra, et a dictis reis super premissis calumpnie juramento, factis posicionibus ex parte dicti procuratoris nomine quo supra, et responsionibus ex parte dictorum reorum ad easdem, postmodum subsequutis datis dilacionibus dictis reis ad proponendum ex parte ipsorum reorum coram nobis in scriptis omnes exceptiones suas peremptores in causa predicta, si quas vellent proponere, conclusoque in ipsa causa, et tandem die jovis post estivale festum sancti Nycholay assignata dictis partibus coram nobis ad diffiniendum in ipsa causa, ipsa die Naudino de Chautayo, clerico, comparente pro dicto procuratore et cavente pro ipso ad penam decem librarum de rato, et dictis reis pro se personaliter coram nobis in judicio comparentibus et super premissis jus seu diffinitivam sentenciam sibi a nobis cum instancia ferri poscentibus, nos, actis ipsius cause visis et diligenter inscriptis, communicatoque et habito super hiis bonorum et jurisperitorum consilio, dictos reos ad reddendum et solvendum dicto procuratori, nomine quo supra, dictos duos sexterios mosture ad estimacionem predictam, in quorum solucione defecerunt pro dicto anno nonagesimo sexto, et ad redducendum in possessionem predictam in hiis scriptis per nostram diffinitivam sentenciam condempnamus, ipsosque reos per eamdem sententiam in expensis legittimis condempnantes, quarum taxacionem nostro judicio reservamus. In cujus rei testimonium siggillum curie nostre Nivernensis presentibus litteris duximus apponendum. Datum dicta die jovis, anno Domini millesimo CC nonagesimo nono.