École des chartes » ELEC » Cartulaires d'Île-de-France » Sainte-Croix d'Orléans » Cartulaire » 21 décembre 1258

Vente au chapitre, par le maire de l'Hôtel lès Jargeau (Saint-Denis-de-l'Hôtel), de ses droits sur la dîme des vignes de l'archidiacre de Sully audit Hôtel moyennant 10 sous parisis de rente.

  • A Original sur parchemin. Arch. dép. Loiret, G 268.
  • a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
D'après a.

Omnibus presentes litteras inspecturis, officialis curie Aurelianensis salutem in Domino. Noveritis quod cum Raginaldus, major de Hospicio, diceret se debere habere in decima vinearum de Hospicio juxta Jargolium, quas tenet vir venerabilis Robertus, archidiaconus Soliacensis, nomine ecclesie Aurelianensis, decimam jalletam vini decime, et qualibet die qua traheret idem major dictam decimam vini deberet habere, ut dicebat, dimidium sextarium vini pro tractu dicte decime, et dictus archidiaconus non confiteretur predicta vera esse ; tandem dictus major, in nostra presentia constitutus, quicquid juris habebat vel habere poterat aliqua racione vel causa in predictis tractu et decima dicto archidiacono nomine ecclesie Aurelianensis quictavit in perpetuum et dimisit pro decem solidis parisiensium reddendis decetero annis singulis dicto majori et ejus heredibus . Preterea dictus major dictum archidiaconum ab omnibus hiis que habuerat vel receperat, si qua receperat, minus juste occasione tractus et decime predictorum et ab omnibus aliis quibuscumque quictavit penitus et assolvit, promittens idem major per fidem suam in manu nostra prestitam quod contra predicta omnia et singula seu aliquid de predictis per se vel per alium aliquo jure, ratione vel causa non veniet in futurum. In cujus rei memoriam et testimonium nos presentes litteras sigillo curie Aurelianensis fecimus sigillare. .