Affranchissement en vue du sacerdoce par le chapitre de Sainte-Croix et l'abbaye de Saint-Mesmin, et partage de serfs.
- B Copie. Bibl. de l'Arsenal, ms. 1008, fol. 280. Ex Cartulario S. Crucis Aurelianensis.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Ego Laurentius, Dei gratia Beati Maximini abbas, et totus meus conventus ejusdem ecclesiæ, omnibus ad quos litteræ istæ devenerint, notum fieri volumus quod nos Stephanum, filium Radulphi Auterii, hominis sancti Maximini, et Agnetis, ancillæ Sanctæ Crucis, communiter cum Hugone decano totoque capitulo ecclesiæ Aurelianensis manumisimus, ita quod in clericatus ordine Deo deserviat, sub tali etiam conditione quod de reliqua prole prædictorum Radulphi scilicet et Agnetis inter nos et ecclesiam Sanctæ Crucis æqualis fiat secundum jus territorii partitio. Et ne in posterum super hoc oriatur dissensio, decanus et capitulum S. Crucis præsentes litteras nostras habuerunt et nos similiter eorum litteras suscepimus prædictam pactionem continentes. Actum publice .
