Universis presentes litteras inspecturis officialis curie Aurelianensis salutem in Domino. Notum facimus nos anno Domini MCCCdie jovis in crastino festi sancti Mathei evangeliste1, vidisse, legisse, transcripsisse et publicasse litteras quasdam sigillo reverendi patris domini B[ertoldi], Dei gracia episcopi Aurelianensis, ut apparebat prima facie, sigillatas, non cancellatas, non abolitas nec in aliqua sui parte corruptas, in hec verba :

Universis presentes litteras inspecturis B[ertoldus], miseracione divina Aurelianensis episcopus, salutem in Domino. Noveritis quod cum bone memorie F[erricus], quondam episcopus Aurelianensis, predecessor noster, voluerit et concesserit, ob favorem Aurelianensis ecclesie, quod dilectus noster et fidelis Andreas, capicerius Aurelianensis ecclesie, et successores sui futuri capicerii, nomine suo et capiceriatus sui, perpetuo possiderent, perciperent et haberent quadraginta solidos parisiensium annui census a bone memorie Remundo2, ejus predecessore, nomine suo et capiceriatus predicti emptos a deffuncto Stephano Morini, qui census percipi consuevit in feudo vel retrofeudo nostro apud Semayum, Magdunum, Donesianum (sic) et Returnum Sancti Benedicti de Aurelianis,et Aurelianis in pluribus aliis locis, et quod compelli non possent extra manum suam ponere censum predictum, ac eundem censum predicto capicerio et suis successoribus in dicto capiceriatu duxerit mortificandum, prout nobis constat per litteras predicti predecessoris nostri de hoc latas1, nobis ostensas, quibus fidem plenissimam adhibemus, nos, ulilitatem capiceriatus predicti et Aurelianensis ecclesie affectantes, omnia et singula predicta volumus et approbamus, et, si non tenuerint vel non valuerint aliqua de causa, tamen volumus et concedimus de novo quod dictus capicerius et successores sui dictum censum annuum perpetuo possideant et habeant, et quod compelli nullatenus possint predictum censum extra manum suam ponere, ac eumdem censum cum omni justicia seu redebentia ad censum seu dominium census hujusmodi de jure seu consuetudine pertinenti eisdem admortificamus, volentes ut pacifice et quiete admortificatum cum omnibus predictis teneant in futurum omne jus et omnem actionem quod et que nobis competit et competere potest racione admortizacionis seu alienacionis cujuscumque per vasallos nostros facte vel alias, nostro vel predecessorum nostrorum non requisito consilio vel assensu seu obtento, eidem capicerio et successoribus suis dantes penitus et cedentes. In cujus rei testimonium sigillum nostrum presentibus litteris duximus apponendum. Datum anno Domini Mº trecentesimo, die lune post Exaltacionem sancte Crucis.

Quod autem vidimus testamur. Datum anno et die predictis.

Guillelmus.