Venerabili patri et domino carissimo Manassi, Aurelianensi episcopo, Sancti Aniani decanus et universum ejusdem ecclesie capitulum, salutem [et] sinceram in Domino dilectionem. Quantum personam vestram necnon honorem vestrum semper sincera in Domino caritate fuerimus complexati novit omnium conscius secretorum. Inde est quod, de discretione vestra, cujus jucunda opinio non solum apud nos sed etiam apud alios per Dei gratiam innotuit, specialiter presumentes, salvis privilegiis nostris et libertate ecclesie nostre, sub pena sexaginta librarum in vos compromittimus, ratum habituri quidquid vestra discretio, compositione vel judicio mediante, duxerit disponendum super articulis qui inferius annotantur videlicet : super receptione interdictorum vestrorum quam nobis imponitis1 ; super controversia ecclesie de cappella, que vertitur inter nos et decanum Aurelianensem ; super succursu ecclesie nostre de Herbiliaco ; super cerei benedictione et fontium in vigilia Pasche; hoc etiam specialiter offerentes quod unus vel duo in aram capituli, vel singuli, si libuerit, super sacrosancta evangelia sumu jurare parati quod nos in odium vestri vel ecclesie vestre prejudicium nil unquam in predictis fuimus attemptati. Volumus autem ut vestri arbitrii sententia supra predictis articulis usque ad diem mercurii proximum post festum Sancte Crucis in maio [feratur]. In hujus autem rei testimonium presentes litteras scribi et sigilli nostri caracthere fecimus communiri. Actum in capitulo nostro anno ab incarnatione Domini 1213, mense maio.