Honorius episcopus, servus servorum Dei, dilectis filiis decano et capitulo Aurelianensi salutem et apostolicam benedictionem. Sacrosancta Romana Ecclesia devotos et humiles filios ex assuete pietatis officio propensius diligere consuevit et ne pravorum hominum molestiis agitentur, eos tamquam pia mater sue protectionis munimine confovere. Eapropter, dilecti in Domino filii, vestris justis postulationibus grato concurrentes assensu, ordinationem super subdecanatu ecclesie vestre a venerabili fratre nostro Manasse, Aurelianensi episcopo, provide factam, sicut in ejus litteris perspeximus contineri, auctoritate apostolica confirmamus et presentis scripti patrocinio communimus, tenorem cujus ad majorem firmitatem de verbo ad verbum presentibus duximus inserendum, qui est talis :

Manasses, Dei gratia Aurelianensis episcopus, etc... 1 .... instituetur de cetero subdecanus. 2 Nos autem hanc transactionem approbantes, ut hoc notum permaneat et penitus inconcussum, ad petitionem et voluntatem tam capituli quam Pagani subdecani presentem paginam sigilli nostri caractere fecimus confirmari. Actum anno gratie Mº CCº tertio decimo, mense maii.

Nulli ergo omnino hominum liceat hanc paginam nostre confirmationis infringere, vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum ejus se noverit incursurum. Datum Laterani II nonas martii, pontificatus nostri anno secundo.