Philipus, Dei gratia Aurelianensis episcopus, omnibus presentes litteras inspecturis salutem in Domino. Noverint universi quod nobilis mulier Agnez, mater nobilis viri Odonis Borrel de Curia Alani, militis, in nostra constituta presencia, vendicionem decime de Fontanis, quam dictus Odo fecit dilectis filiis decano et capitulo Aurelianensibus, concessit, voluit et laudavit, promittens fide in manu nostra prestita quod in dicta decima ratione dotalicii vel alio modo nichil per se vel per alium decetero reclamabit. In cujus rei memoriam et testimonium presentes litteras fieri fecimus et sigilli nostri munimine roborari. Actum anno Domini MCC vicesimo secundo, mense octobris.