Geoffroy, vicomte de Châteaudun, confirme la vente faite au chapitre par Hubert de Péronville de certains droits sur les hôtes du chapitre à Villequoy.
- A Original sur parchemin. Arch. dép. Loiret, G 377.
- B Copie. Bibl. nat. de France, Moreau, p. 166: 235; d'après le cartulaire fol. 132vº.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Omnibus presentes litteras inspecturis Gaufridus, vicecomes Castriduni, salutem in Domino. Noverint universi quod cum Hubertus de Espesonvilla, armiger, vendiderit et tradiderit pro centum et quadraginta libris parisiensium decano et capitulo Aurelianensi redditum quem habebat super hospites dictorum decani et capituli de Villagalli, scilicet in crastino... (ch. CCLXXIX I. 9)... panum et dimidii cum omni jure et justicia que dictus Hubertus habebat in rebus supradictis, quia predicte res ad feodum meum quarto loco et ad baroniam et hereditatem meam pertinere dinoscuntur, ad peticionem Odonis Borrelli, militis, domini Curie Alani, fidelis mei, vendicionem de rebus tantummodo supradictis volo et concedo, et quod ecclesia Aurelianensis dictas res teneat, habeat et possideat in manu mortua in perpetuum libere, pacifice et quiete, salvo dominio et jure meo que ego et heredes mei habemus in territorio de Villagalli in omnibus aliis rebus, exceptis rebus venditis supradictis. Et in hujus rei testimonium et munimen ad peticionem dicti O. Borrelli militis decano et capitulo Aurelianensi litteras meas dedi, sigilli mei munimine roboratas. .
