Universis presentes litteras inspecturis, officialis curie Aurelianensis salutem in Domino. Novaritis quod in nostra presentia constitutus Radulphus dictus Paris, pelliparius, et Bejonna, uxor ejus, quamdam domum et omnes pertinentias ejusdem domus ac eciam omnia utensilia in eadem domo existentia, moventia (?) ex parte dicti Radulphi, sita Aurelie prope cimiterium Sancte Crucis, videlicet in vico Serpentis, juxta domum defuncti Roberti de Bordis, ex una parte, et domum defuncti Petri Paris (?) ex altera, in censiva Sancti Aviti Aurelianensis, vendiderunt venerabilibus viris decano et capitulo Aurelianensibus et vendicionis nomine quittaverunt iu perpetuum et etiam concesserunt quite et libere possidendam ad decem septem denarios et obolum censuales, jus, dominium, proprietatem et totam possessionem dicte domus et omnium pertinenciarum ipsius in eosdem decanum et capitulum totaliter transferendo, et nichil sibi in eisdem aliquominus retinendo, seque ipsos de dicta domo et omnibus pertinentiis ipsius desesiendo coram nobis, et eosdem decanum et capitulum de eisdem ponendo in possessionem corporalem per tradicionem presentium litterarum, precio viginti quatuor librarum parisiorum1 de quibus se tenuerunt dicti Radulphus (sic) coram nobis integre pro pagatis in pecunia numerata. Renunciantes etc... Promiserunt etc... In cujus rei testimonium presentes litteras sigillo Aurelianensis curie fecimus sigillari. Datum anno Domini millesime ducentesimo LXX quarto... (déchirure) beati Clementis.

Guillelmus Ducis.