Universis presentes litteras inspecturis, Hugo, Aurelianensis ecclesie archidiaconus, salutem in Domino. Noverit universitas vestra quod domina Mathildis, uxor domini Ferrici de Joiaco, militis, fratris reverendi patris ac domini nostri Ph[ilippi], Dei gratia Anrelianensis episcopi, in nostra presencia constituta collationem quam idem episcopus decano et capitulo Aurelianensi fecerat apud Villare Martini laudavit, voluit et concessit, fide in manu nostri prestita corporali promittens quod contra predictam donationem per se vel per alium in posterum non veniret. In cujus rei memoriam et testimonium presentes litteras ad petitionem predicte domine, in archidiaconatu nostro mansionarie, fieri fecimus et sigilli nostri munimine roborari. Actum anno Domini MCC vicesimo octavo, mense augusto.