Amortissement au chapitre par l'évêque Robert de la moitié de la dîme de Vienne et du sixième de l'autre moitié, légués au chapitre par le doyen Jean pour accroître les distributions.
- A Original sur parchemin. Arch. dép. Loiret, G 370.
- B Copie. Bibl. nat. de France, Moreau, t. 199: 223 ; du cartulaire fol. 180vº.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Universis presentes litteras inspecturis Robertus, miseratione divina Aurelianensis episcopus, salutem et sinceram in Domino caritatem. Dilectorum filiorum decani et capituli ecclesie Aurelianensis precibus inclinati, eisdem et ecclesie nostre Aurelianensi liberaliter concedimus ut ipsi possint tenere in manu mortua et possidere in perpetuum pacifice et quiete medietatem decime de Vianna et sextam partem alterius medietatis dicte decime tam magne quam parve, in blado, vino, et rebus aliis quibuscumque consistentis, et etiam quicquid bone memorie Johannes, quondam decanus Aurelianensis, ex causa emptionis seu alio modo in dicta decima adquisivit. Que omnia movent de feodo nostro et episcopatus Aurelianensis et ab executoribus testamenti dicti defuncti decani secundum voluntatem dicti defuncti ecclesie Aurelianensi ad agmentationem distribucionis horarum dicuntur esse collata, et dictam medietatem et sextam partem predicte decime et quicquid dictus decanus in dicta decima acquisivit dictis decano et capitulo admortificamus tanquam dominus feodalis. In cujus rei memoriam et testimonium presentes litteras eisdem dedimus sigilli nostri munimine roboratas. .
