La reine Ingeburge, veuve de Philippe-Auguste, scelle l'approbation, par Guillaume Le Bouteiller, de l'assignation faite sur les terres de Luyères, qui sont mouvantes de lui en fief.
- a Bulletins de la Société Archéologique de l'Orléanais, tome VIII, p. 513.
- b Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
I. Dei gratia Francorum regina, universis ad quos littere presentes pervenerint salutem in Domino. Notum facimus quod dilectus et fidelis noster Willelmus Buticularius, miles, in nostra presentia constitutus, assignationem et traditionem quadraginta et octo arpentorum terre, uno quarterio minus, de feodo suo moventium, que fuerunt Hugonis Buticularii, militis, quam dilecti nostri magister Johannes dictus Pullus et Adam Panetarius, baillivus Stampensis, fecerunt capitulo Aurelianensi, de speciali mandato karissimi nostri Ludovici, regis Francorum illustris, concessit, voluit et laudavit, et, cum proprium sigillum non haberet, nos rogavit ut presentibus litteris sigillum nostrum apponeremus. Nos vero, ipsius precibus annuentes, in hujus rei testimonium presentibus litteris sigillum nostrum duximus apponendum. Actum apud Curiam Dei .
