Vidimus par le chapitre de Bourges des ordonnances royales de mars 1270, autorisant les laïques propriétaires de dîmes à les céder aux églises sans autorisation du roi ou de ses successeurs.
- B Copie. Bibl. nat. de France, Moreau 194: 133 ; Tiré du cartul. de l'église de Sainte-Croix d'Orléans, fol. 27vº. Envoyé par D. G [érou] de l'abbaye de Saint-Benoist, le 4 aoust 1765.
- a Ordonnances des Rois de France, tome I, p. 102.
- b Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Universis presentes litteras inspecturis decanus et capitulum Bituricensis ecclesie salutem in Domino. Notum facimus nos vidisse et diligenter inspexisse ac de verbo ad verbum legisse et penes nos habere literas felicis recordationis Ludovici, Dei gratia Francorum regis, quarum tenor sub sigillo ejusdem sequitur in hec verba :
Ludovicus, Dei gratia Francorum rex, notum facimus universis tam presentibus quam futuris quod nos, divini amoris intuitu et pro remedio anime nostre et animarum inclite recordationis regis Ludovici, genitoris nostri, et regine Blanche genitricis nostre, et aliorum predecessorum nostrorum, quantum in nobis est, volumus et concedimus quod omnes persone laycales decimas percipientes ab aliis in terra nostra et in feodis nostris moventibus mediate vel immediate, quas ecclesie perciperent si eas laici non haberent, possint eas relinquere, dare et alio quocumque justo et licito modo ecclesiis concedere tenendas in perpetuum, nostro vel successorum nostrorum assensu minime requisito, ita etiam quod contra hoc heredes seu successores nostri nullatenus se opponere valeant aut hujusmodi concessionem nostram deinceps aliquatenus impedire. Quod ut ratum, etc... Actum Parisius .
Data autem visionis predicte , in cujus visionis testimonium nostrum presentibus litteris duximus apponendum.
