Amortissement par l'évêque Guillaume et par Jean de Meung, seigneurs suzerains, de 74 arpents et demi de terre, en la paroisse de Gidy, donnés à Sainte Croix par Eudes des Roches, en rachat de la dîme de Gidy qui avait été donnée au chapitre.
- A Original sur parchemin. Arch. dép. Loiret, G 329.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
Guillelmus, divina miseratione Aurelianensis episcopus, universis presentes litteras inspecturis salutem in Domino. Noveritis quod cum Fulco, Stephanus, Regna et Elisabet, fitii et heredes defuncti Johannis de Rupibus, militis, peterent auctoritate apostolica coram nobis et dilectis filiis decano et capitulo Aurelianensi decimam de Gidyaco, quam idem Johannes, pater eorum, bone memorie Philippo, quondam Aurelianensi episcopo, titulo pignoris obligaverat, et postmodum Philippus, successor ipsius episcopi, nunc per Dei gratiam archiepiscopus Bituricensis, dictis decano et capitulo de facto contulerat, de cujus decime fructibus tam iidem decanus et capitulum quam episcopus ultra sortem multa receperant, ut dicebant ; tandem Odo de Rupibus, miles, confessus est coram nobis dictam decimam pro se et pro necessitate sua extitisse pignore obligatam, et pro ejus redemptione, mediantibus prefato domino archiepiscopo Bituricensi et aliis bonis viris, septuaginta quatuor arpenta et dimidio terre sue arabilis, in parrochia de Gydyaco site, quam a dilecto et fideli nostro Johanne de Magduno, milite, tenebat in feodum, quam etiam idem Johannes feodilem habebat a nobis, dictis decano et capitulo dedit, tradidit et quitavit in perpetuum possidenda, fide ab ipso in manu nostra prestita corporali promittens quod contra istam donationem et quitationem per se vel per alium non veniret in futurum et quod bona fide dictam terram garentiet decano et capitulo memoratis. Qui decanus et capitulum dictam decimam dimittentes et quitantes, quicquid juris in ea habebant penitus remiserunt et dictis Fulconi et aliis heredibus patentes suas litteras super quitatione dederunt. Prenominati vero Fulco et alii heredes et cum eis Robinus dictus Vavasor, maritus dicte Elisabet, in nostra presencia constituti, quitaverunt dictos decanum et capitulum et absolverunt penitus de fructibus ultra sortem receptis, promittentes etc... Agnes vero, uxor dicti Odonis, coram nobis quicquid ratione dotis, etc... Predictus vero Johannes de Magduno feodum quod ibi habebat coram nobis quitavit, remisit in perpetuum et admortificavit, fide data promittens quod nichil reclamabit decetero feodi ratione. Nos autem similiter feodum quod ibi habemus quitamus, remittimus et admortificamus. In cujus rei memoriam et testimonium presentes litteras fieri ad peticionem parcium et sigilli nostri munimine fecimus roborari. Prefatus vero Johannes, in signum quitationis et admortificacionis feodi ab ipso facte, presentibus litteris sigillum suum fecit apponi. Ego siquidem predictus Johannes de Magduno, miles, in presentia domini nostri Aurelianensis episcopi, feodum quod in predicta terra habeo quitto, remitto et admortifico, volens et concedens ut predicti decanus et capitulum eam teneant, possideant et habeant liberam et immunem ; et in hujus rei memoriam presentibus litteris sigillum meum feci appendi. .
